top of page

Search Results

15 items found for ""

  • Gallery | Caves of Hella

    SJÁÐU MYNDIR FRÁ HELLUNUM VIÐ HELLU Hér fyrir neðan getur þú skoðað nokkrar myndir frá Hellunum við Hellu. Þessir dularfullu hellar eru manngerðir og eru taldir vera elstu fornleifar sem enn standa á Íslandi. Mikill leyndardómur umlykur hellana og enginn veit með vissu hvenær þeir voru byggðir eða af hverjum. Hellarnir eru fornir og margir telja að hellarnir hafi verið byggðir af keltneskum landnemum fyrir komu norrænna manna til Íslands. Þessir sögulegu hellar bera mörg undur eins og t.d. myndir og tákn sem grafin eru í veggi, herbergi og útskorin sæti svo fátt eitt sé nefnt. Hótel Rangá Photos on this site were captured by the talented Ingibjörg Friðriksdóttir @inki.music

  • Lúxusferð | Caves of Hella

    I'm a paragraph. Click here to add your own text and edit me. It's easy. NJÓTTU HELLANNA VIÐ HELLU Í LÚXUSFERÐ Í persónulegri hellaferð er boðið upp á frábæra leið til að skoða leyndardómsfullu Hellana við Hellu. Innifalið í lúxusferðinni er einkaleiðsögn, viskísmökkun, bjórsmökkun og ljúffengar kræsingar úr héraði. Lúxusferð í Hellana við Hellu er t.d. tilvalin fyrir starfsmanna- og vinahópa. Í ferðinni færðu einkaleiðsögn um fjóra dularfu lla og sögulega hella. Talið er að hellarnir séu elstu fornleifar á Íslandi sem enn standa. Hellarnir eru manngerðir og má líklega rekja uppruna þeirra eins langt aftur og fyrir landnám víkinga á Íslandi. Þú munt upplifa þau mörgu undur sem hellarnir búa yfir og fræðast um sögu þeirra. ​ Í hellunum færðu tækifæri til að smakka íslenskt viskí frá Flóka en byyggið sem notað er í viskíið er ræktað í nágrenni hellanna. Flóka viskí er fyrsta og eina viskíið sem framleitt er að öllu leyti á Íslandi. Einnig er boðið upp á bjórsmakk frá brugghúsinu Álfi í Þykkvabæ sem nýtir kartöfluhýði ti l bjórgerðarinnar á sjálfbæran hátt. Að auki er boðið upp á góðgæti úr héraði. Grænkerakostir eru í boði sé þeirra óskað. ​ Panta lúxusferð ​ Við hjá Hellunum við Hellu bjóðum litla og stóra hópa velkomna. Athugið að panta þarf lúxusferðir fyrirfram. ​ Þú getur pantað þína lúxusferð hér á síðunni eða haft samband við okkur með tölvupósti info@cavesofhella.is eða í síma 620 6100. ​ Við hlökkum til að sýna þér og fræða þig um undirheima Suðurlands. ​ Ef þú hefur áhuga á að taka þátt í einni af reglubundnu ferðunum okkar með leiðsögn skaltu fara á síðuna bóka ferð . Við bjóðum auk þess upp á sérferðir fyrir sérstök tækifæri og hópferðir. ​

  • Weddings | Caves of Hella | Iceland

    BRÚÐKAUP Í HELLUNUM Hellarnir við Hellu eru heillandi og rómantískur staður til að játast ástinni sinni. Hellarnir skapa óviðjafnanlegan bakgrunn fyrir athöfnina þar sem saga og rómantík fléttast saman í flöktandi birtu kertaljósa. Hellarnir eru elstu uppistandandi hýbýli á Íslandi, en þar má finna veggristur, fangamörk, krossmerki og jafnvel rúnir. Fegurð og dulúð hellanna skapa leyndardómsfullt andrúmsloft sem mun sannarlega gera brúðkaupsdaginn ógleymanlegan. ​ Hafðu samband við info@cavesofhella.is til að fá nánari upplýsingar um brúðkaup í Hellunum. ​ ​

  • Historical caves | Caves of Hella | South Iceland

    HELLARNIR VIÐ HELLU Upplifðu dularfulla undirheima Suðurlands Bókaðu núna Kaupa gjafabréf KOMDU MEÐ Í FERÐ Ævintýraheimur Hellanna við Hellu er einstakur. Heyrið söguna sem ekki hefur mátt segja um landnámið fyrir landnám. ​ ​ Fræðandi og heillandi afþreying sem hentar öllum aldri og í hvaða veðri sem er. Hellarnir við Hellu eru staðsettir við þjóðveg 1 í aðeins um klukkutíma akstursfjarlægð frá Reykjavík. ​ Tólf fornir manngerðir hellar hafa fundist í landi Ægissíðu við Hellu og fjórir þeirra hafa nú verið opnaðir. Hellarnir eru friðlýstir og þeir sýndir með leiðsögn. Fjölskyldan á Ægissíðu vinnur að því að byggja upp og varðveita umhverfi og sögu hellanna í samvinnu við nærsamfélagið og Minjastofnun Íslands. Í hellunum má t.d. finna stórmerka krossa, gamlar veggjaristur, myndir, syllur og innhöggvin sæti. Leyndardómur umlykur hellana og öldum saman hefur fólk velt fyrir sér hvort hellarnir séu gerðir af pöpum og hve gamlir þeir séu. ​​ ​ ​ Leiðsögn á ensku alla daga kl. 10 :00, 12:00 and 14:00. Ferðir á íslensku verða í boði kl.14:00 fyrsta laugardag hvers mánaðar Sérbókanir fyrir fjölmenna hópa og Lúxusferðir (íslensk eða ensk leiðsögn í boði) Eingöngu er hægt að skoða hellana í fylgd starfsmanna Hellanna við Hellu ​ Aðgangseyrir fyrir klukkutíma leiðsögn um hellana: Fullorðnir kr. 5490 Börn 6-15 ára kr. 2490 Frítt fyrir börn 5 ára og yngri Fjölskyldutilboð, 2 fullorðnir og 2 börn (6-15 ára): kr. 13.470 ​ ​ The latest Google Reviews Book now Bókaðu hellaferðina hér *ATH að ferðir á íslensku eru í boði fyrsta laugardag hvers mánaðar kl.14:00 Kaupa gjafabréf

  • Bóka ferð | Caves of Hella

    UNDIRHEIMAR SUÐURLANDS Um ferðina ​ Hellarnir við Hellu bjóða upp á leiðsagnir um undirheima Suðurlands. Þar munt þú kanna manngerða og dularfulla hella sem eru fyrir margt sögulegir. Hellarnir eru taldir vera elstu fornleifar á Íslandi sem enn standa og hafa þeir nú verið opnaðar fyrir gestum. Sumir telja að hellarnir séu gerðir fyrir landnám norrænna manna á Íslandi. Í ferðinni verður þér leiðbeint um fjóra hella þar sem þú munt fræðast og heyra sögurnar sem gengið hafa mann fram af manni í fjölskyldunni sem sinnir hellunum. Hellarnir við Hellu eru staðsettir á mjög heppilegum stað við hringveginn, á bænum Ægissíðu við Hellu. Bókaðu hellaferð núna og upplifðu áhugaverða sögu undirheima Suðurlands. ​ Hvað er innifalið? ​ ​ Aðgangur og leiðsögn um Hellana við Hellu. Leiðsögnin tekur rúma klukkustund. ​ Vinsamlegast athugið ​ Mæting 15 mín fyrir áætlaðan leiðsagnartíma. Við skoðum hellana og umhverfi þeirra, vinsamlega verið því tilbúin í stuttan göngutúr milli hellanna og að klæða ykkur eftir veðri. Það er svalt í hellunum og því er gott að vera í þykkri peysu eða léttri úlpu. Ekki gleyma myndavélinni eða símanum! Almenningssamgöngur eru í nágrenninu þar sem strætóstoppistöð er á Hellu. Ferðir með íslenskri leiðsögn eru aðeins í boði fyrsta laugardag hvers mánaðar yfir vetrartímann en svo aukum við framboð á ferðum á íslensku yfir sumarmánuði. Í sérferðum velur hópurinn hvort hann vilji leiðsögn á íslensku eða ensku. ​ ​ Afpöntunarstefna ​ Hægt er að afpanta án kostnaðar allt að sólarhring fyrir bókaða leiðsögn en eftir það er ekki endurgreitt. Nánari upplýsingar er að finna í skilmálum okkar. Bókaðu hér Kaupa gjafabréf Anchor 1

  • Special Tours | Caves of Hella

    GJAFABRÉF Í HELLANA VIÐ HELLU Gjafabréf í Hellana við Hellu er frábær leið til að gleðja ættingja og vini. Gjafabréfið gildir fyrir hefðbundna leiðsögn um Hellana við Hellu. Í fyrsta skrefi er fjöldi þátttakenda valinn og í næsta skrefi er hægt að breyta fjölda gjafabréfa ef kaupa á fleiri en eitt gjafabréf. Þegar þú hefur gengið frá kaupunum færðu kvittun sem staðfestir þau. Þetta er ekki gjafabréfið sjálft en við munum senda það til þín í tölvupósti innan sólarhrings eftir staðfestingu á kaupum. Gjafabréfið gildir í eitt ár frá kaupum. Þegar eigandi gjafabréfsins vill taka þátt í ferð hefur viðkomandi samband við okkur með tölvupósti eða símtali. ​ Fyrir frekari upplýsingar, ekki hika við að hafa samband við okkur á info@cavesofhella.is eða í síma 620 6100. Kauptu gjafabréf hér

  • Opening Hours | Caves of Hella

    UPPLÝSINGAR UM HELLANA VIÐ HELLU Ferðirnar okkar ​ ​ Hellarnir við Hellu bjóða upp á spennandi hellaferðir með leiðsögn um fjóra dularfulla manngerða hella. Hellarnir eru fyrir margt sögulegir og er saga þeirra umvafin dulúð. Í ferðunum gefst þér tækifæri á að læra um spennandi sögu hellanna og uppgötva þau leyndarmál sem þeir geyma. Leiðsögnin byrjar í móttökunni við þjóðveg 1 og tekur rúman klukkutíma. ​ Yfir vetrartímann eru opnar ferðir á íslensku einungis í boði fyrsta laugardag hvers mánaðar kl.14:00. Leiðsögn á ensku alla daga kl.10:00, 12:00 og 14:00. ​ ​ Aðgangseyrir: Fullorðnir 5490 kr Börn 6 -15 ára 2490 kr Frítt fyrir börn yngri en 6 ára Fjölskyldutilboð, 2 fullorðnir og 2 börn (6-15 ára): kr. 13.470 Þið getið bókað ykkar pláss í hellaferð með okkur á bóka ferð . Gott að mæta 15 mín fyrir leiðsagnartíma. ​ Ef þú hefur áhuga á lúxusferð , sérferð eða hópferð , endilega sendu okkur fyrirspurn á info@cavesofhella.is eða hringdu í síma 620 6100. Lúxusferðir er hægt að bóka hér á síðunni undir flipanum "Lúxusferðir". LúxLú Staðsetning ​ Hellarnir við Hellu eru frábærlega staðsettir við hringveginn. Móttakan er við þjóðveginn hjá bænum Ægissíðu rétt fyrir utan Hellu á Suðurlandi. Ef þið hafið ekki bókað miða fyrirfram er hægt að koma við í móttökunni og kaupa miða í næstu ferð. Mjög hentugt að taka smá pásu á bílferðinni og teygja úr sér í hellaferð í Hellunum við Hellu. Þú getur séð staðsetninguna á kortinu hér fyrir neðan. Bókaðu núna

  • Special Tours | Caves of Hella

    HÓPAR OG SÉRSTÖK TILEFNI Sérstök tilefni ​ Hellarnir við Hellu bjóða upp á frábæran vettvang fyrir sérstök tilefni inni í dularfullum og sögulegum hellum. ​ Októberhátíð í Hellunum Í þessar ​i sérferð færðu að upplifa þýskar og írskar hefðir í hellaferð um leyndardómsfullu Hellana við Hellu. Innifalið er leiðsögn, bjórsmökkun frá brugghúsinu Álfi í Þykkvabæ og saltkringlur að hætti Októberfest í Þýskalandi. ​ Hellarnir er einnig tilvalinn vettvangur fyrir ýmsa viðburði: ​​​​ Brúðkaup Árshátíðarferðir Óvissuferðir Ættarmót Tónleikar Skáldakvöld Draugasögukvöld Jónsmessuhátíð Rannsóknaleiðangur barna Jólaævintýri ​ ​ Hægt að aðlaga lengd leiðsagnar að hverjum og einum hóp. ​ Hópferðir ​ Hægt er að bóka hefðbundna leiðsögn fyrir fjölmenna hópa. Verð fyrir hópferðir er breytilegt og fer eftir aðstæðum eins og fjölda þátttakenda, tíma, o.s.frv. ​ ​ Ef þið hafið áhuga á sérferðum eða hópferðum með okkur, endilega hafið samband á info@cavesofhella.is eða í síma 620 6100 ​ Hægt er að bóka miða í reglubundna ferð með leiðsögn á bóka ferð .

  • Reviews | Caves of Hella

    Góðgæti úr héraði Kaupa gjafabréf

  • Research | Caves of Hella | Iceland

    Munu bandarískir vísindamenn leysa ráðgátuna um hellana? Hópur bandarískra vísindamanna vinnur nú að aldursgreiningu hellana og rannsakar hugsanlegt hlutverk þeirra í landnámi Íslands. Rannsakaður eru ristur í hellisveggjunum sem og setlög í hellunum. Notuð er nýstárleg aðferð við greiningu þeirra fjölmörgu og ólíku rista sem finna má í hellunum sem ekki hefur verið notuð áður hér á landi. Rannsóknarteymið er undir stjórn Laura Haynes prófessors í jarðefnafræði og Elizabeth Lastra prófessor í listasögu miðalda við háskólann Vassar College í New York fylki í Bandaríkjunum. Hellarnir við Hellu hafa löngum vakið upp spurningar sagnfræðinga, fornleifafræðinga og jarðfræðinga og hafa margir velt fyrir sér upphafi þeirra og tilgangi. Árið 2017 birti Árni Freyr Magnússon sagnfræðingur ritgerð þar sem fjallað er um þær aðferðir sem hægt er að nýta til að finna út aldur hellanna. Niðurstöður rannsókna Árna Freys voru að hægt væri að aldursgreina hellana með fjórum megin aðferðum. Kanna megi ritheimildir um þá, rannsaka áletranir og ristur á veggjum þeirra, aldursgreina mannvistarlög út frá gjósku og að lokum væri hægt að skoða gripi sem fundist hafa í einum af hellunum. „Aðferð bandarísku sérfræðinganna er mjög áhugaverð. Hún miðar að því að rannsaka risturnar á veggjunum. Þegar ég var að rannsaka þetta fyrir fimm árum gerði ég mér enga grein fyrir að svona stutt væri í að erlendir sérfræðingar hæfu rannsóknir með jafn fullkominni tækni og raun ber vitni. Þetta er tækni sem íslenskir fræðimenn hafa almennt ekki aðgang að. Það er auk þess gaman að sjá að bandarískir sérfræðingar á sviði listasögu og jarðfræði skuli velja Hellana við Hellu til rannsókna.“, segir Árni Freyr. Rannsóknarteymið notast við Reflectance Transformation Imaging (RTI) aðferð ásamt X-ray Fluorescence greiningu. RTI aðferðin er notuð til að rannskaka ristur á hellisveggjunum. Myndavél er stillt upp í hellunum og ljósi stýrt úr mörgum mismunandi áttum að ristunum og þær myndaðar í mikilli upplausn. Með þessu er hægt með mikilli nákvæmni að kortlegga risturnar á veggjunum, útlit þeirra og gerð. Í kjölfarið verður til hárnákvæmt þrívíddarkort sem sýnir hellaveggina. Því næst er notuð X-ray Fluorescence greining. Með þessari aðferð er steinryk sem finna má á veggjum hellanna greint en steinrykið safnast á veggina með vatni sem síast hefur í gegnum bergið allt frá upphafi. Þetta steinryk sem sums staðar er staðsett ofan á ristum getur gefið mikilvægar vísbendingar um aldur ristanna og þar með hellanna, ásamt því að segja til um gróður og tíðarfar á mismunandi tímum í sögu hellanna. Samsetning þessara steinefna getur gefið okkur mikilvæga vísbendingu um tímabilið þegar hellarnir voru grafnir út og teknir í notkun. Rannsóknarteymið mun einnig rannsaka setlögin í hellunum og tengsl þeirra við myndun Íslands í víðara samhengi. Með ítarlegri greiningu á setlögunum vonast sérfræðingarnir til að geta sagt með enn meiri nákvæmni til um upphaf hellanna. Árni Freyr segist bíða spenntur eftir niðurstöðum rannsóknarinnar. Það sé ekkert launungamál að aldursgreiningar á manngerðum hellum hafa reynst íslenskum fræðimönnum erfiðar í gegnum tíðina en með bættri tækni sé hugsanlega hægt að færast nær sannleikanum um upphaf þessara merku mannvirkja.

  • Gallery | Caves of Hella

    SJÁÐU MYNDIR FRÁ HELLUNUM VIÐ HELLU Hér fyrir neðan getur þú skoðað nokkrar myndir frá Hellunum við Hellu. Þessir dularfullu hellar eru manngerðir og eru taldir vera elstu fornleifar sem enn standa á Íslandi. Mikill leyndardómur umlykur hellana og enginn veit með vissu hvenær þeir voru byggðir eða af hverjum. Hellarnir eru fornir og margir telja að hellarnir hafi verið byggðir af keltneskum landnemum fyrir komu norrænna manna til Íslands. Þessir sögulegu hellar bera mörg undur eins og t.d. myndir og tákn sem grafin eru í veggi, herbergi og útskorin sæti svo fátt eitt sé nefnt. Skoðaðu Hellana við Hellu ​ Hellarnir við Hellu bjóða upp á leiðsögn um fjóra dularfulla manngerða hella sem staðsettir eru á Ægissíðu við Hellu. Hellarnir eru dularfullir og sögulegir. Í heimsókn þinni í hellana lærir þú um hulin leyndarmál þeirra og ósagðar sögur sem hingað til hafa farið hljótt. ​ Hægt er að bóka leiðsögn á Undirheimar Suðurlands síðunni okkar . ​ Við bjóðum einnig upp á einka lúxusferðir og sérstakar ferðir fyrir sérstök tækifæri eins og óvissuferðir, skólahópa, brúðkaup o.þ.h. ​ Ef þú ert að leita að gjöf er gjafabréf í Hellana við Hellu frábær kostur. Þú getur lesið meira um gjafabréfin okkar og keypt gjafabréf með því að fara á gjafabréfa síðuna okkar.

  • Mathellir | Caves of Hella

    Góðgæti úr héraði - Opnum aftur í vor - Fáðu þér dýrindis bita í nýja matarvagninum okkar.​ Við bjóðum upp á ýmsar kræsingar, einstaka kartöflusúpu úr Þykkvabænum og sunnlenskar pylsur. Út í kartöflusúpuna er einstaklega gott að bæta við beikoni og sýrðum rjóma með graslauk. Þú getur notið veitinganna í móttökunni okkar og auk þess fengið þér heitan kaffibolla og sætan mola. Verið velkomin í Mathelli!

bottom of page