Search Results

ARFLEIÐ HELLANNA VIÐ HELLU Hellarnir á Hellu eru á jörðinni Ægissíðu og eru með þekktustu manngerðu hellum á Íslandi. Fjölskyldan okkar hefur séð um hellana í nærri 200 ár og 2019 opnuðum við fjóra af tólf hellum fyrir almenningi. Í júlí 2024 hófst uppgröftur í fimmta hellinum og er nú hægt að skyggnast inn í hann. Meginmarkmiðið er að varðveita hellana og segja sögu þeirra, söguna sem forfeður okkar sögðu okkur af leyndardómum hellanna og landnáminu fyrir landnám. ​ Hellarnir eru elstu uppistandandi hýbýli á Íslandi. Þeir eru höggnir af mönnum en enginn veit hvenær. Sumir telja að þeir hafi verið gerðir af Keltum fyrir landnám norrænna manna á níundu öld. Hellarnir eru því hjúpaðir dulúð og í mörgum þeirra má finna veggristur, fangamörk, ártöl, krossmörk, búmerki og jafnvel rúnir. ​ Í gegnum aldirnar hafa hellarnir t.d. verið notaðir fyrir húsdýr og til að geyma hey og matvæli. Skipulag hellanna er margs konar og í þeim má t.d. sjá forskála, strompa, brunna, berghöld, hillur og stalla. Hellarnir endast misvel og hefur styrkleiki bergsins, lag og þykkt þaks og veggja auk frágangs við strompa og dyr mikið um það að segja. Vel gerðir hellar með réttum frágangi geta staðið í aldir. ​ Hellarnir eru friðlýstir og ganga verður um þá af virðingu. Með því að vera með skipulagða leiðsögn um hellana eru bundnar vonir við að hægt verði að gera upp fleiri hella, bjarga fornum minjum og auka aðgengi að elstu mannvirkjum sem enn standa á Íslandi. ​ Fjölskyldan á Ægissíðu vinnur að því að byggja upp og varðveita umhverfi og sögu hellana í samvinnu við nærsamfélagið og Minjastofnun. Við hlökkum til að taka á móti ykkur og sýna ykkur duldan ævintýraheim Suðurlands Book now 1/1 "Umhorfs minnir þar um margt á sviðsmynd í Indiana Jones eða The Lord Of The Rings kvikmyndunum og er sjón sannarlega sögu ríkari." ​ Júlía Margrét Einarsdóttir, menningarráðunautur RÚV, 2019. More reviews

Góðgæti úr héraði

UPPLÝSINGAR UM HELLANA VIÐ HELLU Ferðirnar okkar ​ ​ Hellarnir við Hellu bjóða upp á spennandi hellaferðir með leiðsögn um fimm dularfulla manngerða hella. Hellarnir eru fyrir margt sögulegir og er saga þeirra umvafin dulúð. Í ferðunum gefst þér tækifæri á að læra um spennandi sögu hellanna og uppgötva þau leyndarmál sem þeir geyma. Leiðsögnin byrjar í móttökunni við þjóðveg 1 og tekur rúman klukkutíma. ​ ​ Leiðsögn á íslensku fyrsta laugardag í hverjum mánuði kl.14:00 Leiðsögn á ensku alla daga kl.10:00, 12:00, 14:00 og 16:00. ​ ​ Aðgangseyrir: Fullorðnir 5900 kr Börn 6 -15 ára 2490 kr Frítt fyrir börn yngri en 6 ára Fjölskyldutilboð, 2 fullorðnir og 2 börn (6-15 ára): kr. 13.470 Þið getið bókað ykkar pláss í hellaferð með okkur á bóka ferð . Gott að mæta 15 mín fyrir leiðsagnartíma. ​

NJÓTTU HELLANNA VIÐ HELLU Í LÚXUSFERÐ Í persónulegri hellaferð er boðið upp á frábæra leið til að skoða leyndardómsfullu Hellana við Hellu. Innifalið í lúxusferðinni er einkaleiðsögn, viskísmökkun, bjórsmökkun og ljúffengar kræsingar úr héraði. Lúxusferð í Hellana við Hellu er t.d. tilvalin fyrir starfsmanna- og vinahópa. Í ferðinni færðu einkaleiðsögn um þrjá dularfu lla og sögulega hella og skyggnst er inn í tvo. Talið er að hellarnir séu elstu fornleifar á Íslandi sem enn standa. Hellarnir eru manngerðir og má líklega rekja uppruna þeirra eins langt aftur og fyrir landnám víkinga á Íslandi. Þú munt upplifa þau mörgu undur sem hellarnir búa yfir og fræðast um sögu þeirra. ​ Í hellunum færðu tækifæri til að smakka íslenskt viskí frá Flóka en byggið sem notað er í viskíið er ræktað í nágrenni hellanna. Flóka viskí er fyrsta og eina viskíið sem framleitt er að öllu leyti á Íslandi. Einnig er boðið upp á bjórsmakk frá brugghúsinu Álfi í Þykkvabæ sem nýtir kartöfluhýði ti l bjórgerðarinnar á sjálfbæran hátt. Að auki er boðið upp á góðgæti úr héraði. Grænkerakostir eru í boði sé þeirra óskað. ​ Panta lúxusferð ​ Við hjá Hellunum við Hellu bjóðum litla og stóra hópa velkomna. Athugið að panta þarf lúxusferðir fyrirfram. ​ Þú getur pantað þína lúxusferð hér á síðunni eða haft samband við okkur með tölvupósti info@cavesofhella.is eða í síma 620 6100. ​ Við hlökkum til að sýna þér og fræða þig um undirheima Suðurlands. ​ Ef þú hefur áhuga á að taka þátt í einni af reglubundnu ferðunum okkar með leiðsögn skaltu fara á síðuna bóka ferð . Við bjóðum auk þess upp á sérferðir fyrir sérstök tækifæri og hópferðir. ​

VÍKINGAVEISLA Víkingaveisla að hætti landnámsmanna – fyrir þá sem vilja upplifa eitthvað virkilega einstakt. Þriggja rétta máltíð að hætti færustu kokka Hótel Rangár, sem snædd er undir ljúfum tónum við kertaljós. ​ Til þess að bóka þessa einstöku víkingaveislu þarf að hafa samband við Hótel Rangá með að minnsta kosti viku fyrirvara. Aðeins í boði sem einkaviðburður. Frekari upplýsingar er að finna á heimasíðu Hótel Rangá. Hótel Rangá Photos on this site were captured by the talented Ingibjörg Friðriksdóttir @inki.music

Gefðu ævintýralega góða gjöf Gjafabréf í Hellana við Hellu er frábær leið til að gleðja starfsfólkið þitt. Gjafabréfið gildir fyrir hefðbundna leiðsögn um Hellana við Hellu. Við bjóðum fyrirtækjum sem kaupa gjafabréfin okkar, eftirfarandi afslátt: Við bjóðum fyrirtækjum sem kaupa gjafabréfin okkar, eftirfarandi afslátt: Fjöldi Afsláttur Verð per miða 20-29 5% 3.705 30 - 39 10% 3.510 40-49 15% 3.315 50-59 20% 3.120 60+ 25% 2.925 Til þess að panta gjafabréf fyrir þína starfsmenn, smelltu á hlekkinn hér að neðan og sendu okkur tölvupóst á info@cavesofhella.is með fjölda gjafabréfa. ​ Við afgreiðum pöntunina eftir að greiðsla hefur borist og sendum þér falleg gjafabréf með kóða sem starfsmenn þínir geta nýtt til þess að bóka spennandi hellaferð fyrir sig eða sína nánustu. Þú getur valið hvort þú vilt fá gjafabréfin á tölvutæku formi eða útprentuð. Einfaldara og skemmtilegra verður það ekki! ​ Kaupa gjafabréf

All Posts Log in / Sign up No posts published in this language yet Once posts are published, you’ll see them here.